«Реал Мадрид» ушбу Чемпионлар лигасининг ярим финалида «Манчестер Сити»ни мағлуб этиш учун энди тарихий натижага эришиши керак.

Кеча «Сантьяго Бернабеу»да бўлиб ўтган биринчи ўйин 1:1 ҳисобида якунланганди. Бунгача «қироллик клуби» тарихда ҳеч қачон ўз уйида ўтган биринчи ярим финалда дуранг қайд этиб, финалга чиқа олмаганди.

Энг сўнгги мисол 2020/21 йилги мавсум ярим финалидир. Унда жамоа Лондоннинг «Челси» клуби билан тўқнаш келган. «Қаймоқранглилар» Мадридда 1:1 ҳисобида дуранг ўйнаб, «Стэмфорд Бриж»да 2:0 ҳисобида мағлуб бўлишди.

Эслатиб ўтамиз, «Манчестер Сити» билан жавоб ўйинида «Реал»нинг асосий марказий ҳимоячиси, сариқ карточкалар туфайли биринчи ўйинни ўтказиб юборган Эдер Милитао сафга қайтади.