«Байер»нинг ўнг қанот ҳимоячиси Жереми Фримпонг «Барселона»нинг нишонига тушди.

Журналист Санти Овалленинг сўзларига кўра, голландиялик футболчи «кўк-анорранглилар» раҳбариятида ҳимоянинг ўнг қанотини потенциал мустаҳкамловчи сифатида муҳокама қилинган.

Бироқ «Байер» Бундеслиганинг асосий ўсиб бораётган юлдузларидан бири учун катта миқдордаги товон пули талаб қилган.

Ҳозирда футболчи учун курашда етакчилик қилаётган «Манчестер Юнайтед»нинг жиддий қизиқиши ҳам вазиятни мураккаблаштирмоқда.

Фримпонг Германия Бундеслигасида жорий мавсумда 8 та гол ва 6 та голли узатмани амалга оширди.