“Интер” ярим ҳимоячиси, Чемпионлар лигаси 1/2 финалининг биринчи ўйинида “Милан” дарвозасига киритилган иккинчи гол муаллифи Генрих Мхитарян турнирнинг ушбу босқичида гол урган биринчи арманистонлик бўлди, деб хабар бермоқда OPTA.
Бундан ташқари, Мхитарян Чемпионлар лигаси ярим финалида гол урган МДҲ давлатлари орасидан учинчи футболчига айланди. 1999 йилда Киевнинг “Динамо” клуби футболчилари, украиналиклар Виталий Косовский ва Андрей Шевченко турнирнинг ушбу босқичида гол уришга эришишганди. Кейинроқ Шевченко 2003 ва 2005 йилларда "Милан" сафида яна ярим финалда гол урган.
Россиялик Дмитрий Аленичев 2004 йилда "Порту" сафида ўйнаб, УЕФА Чемпионлар Лигаси финалида гол урган.
Эслатиб ўтамиз, шу дақиқаларда "Милан" "Интер" билан ўйнайдиган Чемпионлар лигасининг биринчи ярим финал учрашуви бўлиб ўтмоқда. Хабар тарқатилган вақтда учрашувда 2:0 ҳисоби "Интер" фойдасига ҳал бўлганди.
