УЕФА матбуот хизмати Европа чемпионлар лигаси ярим финал босқичи доирасида ўтказилган дастлабки ўйинлар якуни бўйича ҳафтанинг энг яхши футболчиси совринига даъвогарлар рўйхатини эълон қилди.
    
Кевин де Брюйне ("Манчестер Сити" ярим ҳимоячиси) — "Реал"га қарши ўйинда (1:1) битта гол урди, 11,43 км масофа босиб ўтди, узатмаларининг 81 фоизи аниқ бўлди.

Генрих Мхитарян ("Интер" ярим ҳимоячиси) — "Милан"га қарши баҳсда (2:0) битта гол урди, 7,99 км масофа босиб ўтди, узатмаларининг 95 фоизи аниқ бўлди.

Винисиус Жуниор ("Реал" ҳужумчиси) — "Манчестер Сити"га қарши ўйинда (1:1) 3 та зарба йўллаб, битта гол урди.

Николо Барелла ("Интер" ярим ҳимоячиси) — "Милан"га қарши учрашувда (2:0) 12,46 км масофа босиб ўтди, узатмаларининг 86 фоизи аниқ бўлди.

Ҳафтанинг энг яхши футболчиси УЕФА расмий сайтида овоз бериш орқали аниқланади.