"Интер" бош мураббийи Симоне Индзаги "Милан"га қарши ўйин ҳақида фикр билдирди.

Чемпионлар лигаси ярим финалининг биринчи ўйинида “нерадзуррилар” 2:0 ҳисобида ғалаба қозонди.

“Биз иккитадан кўпроқ гол уришимиз мумкин эди, аммо бу ажойиб ўйин бўлди. Биз аллақачон бир неча турдан ўтганмиз, биз олдинда эканлигимизни биламиз. Энди иккинчи ўйин бўлади, мухлисларимиз биз билан бирга бўлишади ва орзуни рўёбга чиқариш учун ҳали кўп ҳаракат қилишимиз кераклигини аниқ биламиз.

Футболчиларимиз онгли ўйнашди, майдоннинг ҳар бир қаричини назорат қилишди ва захирадан майдонга тушганлар бизга ёрдам беришди. Ҳозир бахтли бўлиш тўғри, лекин биз ҳали ҳам нимадир етишмаётганимизни биламиз.

72 соатдан сўнг бизни "Сассуоло"га қарши жуда муҳим ўйин кутиб турибди, биз жисмоний ва руҳий жиҳатдан тикланишимиз керак. Бу ўйинлар жуда катта энергия талаб қилади, ҳозир биз футболчиларнинг ҳолатига баҳо беришимиз керак.

Баъзи ўйинчилар майдонни чарчаган ҳолда тарк этишди ва бизда шанба кунги "Сассуоло"га қарши ўйинга тайёргарлик кўриш учун шу уч кун вақтимиз бор. Биз энг яхши тарзда тайёрланамиз” - деди Индзаги Prime Video билан суҳбатда.