"Милан" спорт директори Паоло Мальдини клуб Рафаэль Леау билан шартномани узайтиришга яқин эканлиги ҳақидаги хабарларга муносабат билдирди.
"Биз Рафаэль Леау билан шартномани узайтириш бўйича тўлиқ келишувга яқинмиз, бу тўғри. Рафа ва мен бир хил режага эгамиз, иккаламиз бирга ишлашни давом эттирмоқчимиз", - деди Мальдини.
Жорий мавсумда Леау жамоа сафида барча турнирларда 44 та ўйинда майдонга тушиб, 13 та гол урди ва 13 та голли узатмани амалга оширди. 23 ёшли португалиялик футболчи 2019 йилдан буён “россонерилар” сафида ўйнаб келмоқда.