"Астон Вилла" ёзги трансфер бозорида ўз бош мураббийи Унаи Эмерини катта пул билан қўллаб-қувватлайди. The Sun хабарига кўра, испаниялик мутахассисга таркибни кучайтириш учун 225 миллион евро ажратилади.
Манбанинг қўшимча қилишича, тез орада жамоага янги спорт директори, "Барселона"даги фаолиятини якунлаётган Матеу Алемани келади. Испаниялик мутахассис учун таркибни кучайтиришнинг устувор варианти Лиссабоннинг “Спортинг” клуби ярим ҳимоячиси Мануэль Угарте бўлади, уни бошқа инглиз клублари ҳам кузатиб бормоқда.
Эслатиб ўтамиз, Эмери кузда "Астон Вилла" бошқарувига келганди. Бирмингем клуби айни дамда Премьер-лигада турнир жадвалида саккизинчи ўринни эгаллаб турибди.
