"ПСЖ" раҳбарияти аргентиналик ҳужумчи Лионель Мессининг ўрнига шартнома имзолайдиган футболчи борасида қарор қабул қилди. 35 ёшли жанубий америкалик футболчи жорий мавсум якунида француз грандини тарк этади.
Le10Sport журналистларининг ёзишича, Париж топ-клубининг асосий мақсади Англия терма жамоаси ва Лондоннинг “Тоттенхэм” клуби ҳужумчиси Харри Кейн. Франция чемпиони британияликнинг трансфери учун 100 миллион евро ажратишга тайёр.
Кейн "шпорлар" билан 2024 йилнинг ёзига қадар шартнома имзолаган. Ҳужумчи 2011 йилдан буён лондонликлар сафини ҳимоя қилиб келади.
Жорий мавсумда Харри 46 та ўйин ўтказиб, 28 та гол ва 5 та голли узатмани амалга оширди.
