"Реал Мадрид"нинг собиқ етакчиси ва сардори Серхио Рамос Испания терма жамоасидаги собиқ шериги ва "Барселона"даги принципиал рақиби Серхио Бускетсга мурожаат қилди.
“Сиз олийжаноб рақиб, содиқ жамоадош ва элита савияли футболчисиз. Кейинги босқичда омад тилаймиз, қучоқлаб қоламиз”, — деб ёзади Рамос ижтимоий тармоқда Бускетснинг суратини илова қилиб.
Эслатиб ўтамиз, шу ҳафтада 34 ёшли Бускетс бўлажак фаолияти билан боғлиқ масалани ниҳоят ҳал қилди - у жорий мавсум якунида "Барселона"ни тарк этади. Ярим ҳимоячи "кўк-анорранглилар" тарбияланувчиси ҳисобланади.
