"Лестер" ярим ҳимоячиси Жеймс Мэддисон "Ньюкасл"га ўтишга яқин турибди.

Олдинроқ, "қарғалар" аллақачон футболчининг ўзи билан боғланиб, ҳамкорликни муҳокама қилгани маълум бўлганди. Инсайдер Николо Скиранинг янгиланган маълумотларига кўра, "Ньюкасл" раҳбарияти "Лестер" вакиллари билан ҳам трансфер бўйича музокаралар олиб бормоқда. Муваффақиятли келишув бўлса, 26 ёшли англиялик футболчи бўлажак мавсумни янги клубда бошлайди.

Transfermarkt экспертлари Жеймс Мэддисоннинг нархини 55 миллион еврога баҳоламоқда. Футболчи жорий мавсумдаги 29 учрашувда ўнта гол урди ва 9та голли узатмани амалга оширди.