"Бавария" бош директори Оливер Кан ҳужумчи Томас Мюллернинг жамоадаги келажаги ҳақида гапирди.
“Бу кетиш амалга ошмайди. Томас соғлом, ҳеч қачон жароҳат олмаган, у жуда кучли характерга эга. У жуда муҳим футболчи. Ишончим комилки, Томас биз учун ҳали кўп ўйинлар ўтказади", - дея Каннинг сўзларини келтиради Фабрицио Романо.
Аввалроқ, футболчининг ўзи клубдан кетиши ҳақидаги миш-мишлар ҳақида гапирганди.
33 ёшли Мюллер "Бавария"да 2009 йилдан буён тўп суради. Шартнома 2024 йилнинг ёзига қадар мўлжалланган. Жорий мавсумда у мюнхенликлар сафида 37 та ўйин ўтказиб, 7 та гол урди ва 11 та голли узатмани амалга оширди.
