"Bavariya" bosh direktori Oliver Kan hujumchi Tomas Myullerning jamoadagi kelajagi haqida gapirdi.
“Bu ketish amalga oshmaydi. Tomas sog‘lom, hech qachon jarohat olmagan, u juda kuchli xarakterga ega. U juda muhim futbolchi. Ishonchim komilki, Tomas biz uchun hali ko‘p o‘yinlar o‘tkazadi", - deya Kanning so‘zlarini keltiradi Fabrisio Romano.
Avvalroq, futbolchining o‘zi klubdan ketishi haqidagi mish-mishlar haqida gapirgandi.
33 yoshli Myuller "Bavariya"da 2009 yildan buyon to‘p suradi. Shartnoma 2024 yilning yoziga qadar mo‘ljallangan. Joriy mavsumda u myunxenliklar safida 37 ta o‘yin o‘tkazib, 7 ta gol urdi va 11 ta golli uzatmani amalga oshirdi.
