Ҳужумчи Лионель Месси ва "ПСЖ" раҳбарияти аргентиналик футболчининг Саудия Арабистонига яқиндаги ташрифидан сўнг махфий шартнома имзолади. Бу ҳақда RMC Sport нашри хабар бермоқда.
Эслатиб ўтамиз, яқинда 35 ёшли ҳужумчи парижликлар жойлашган жойни ўзбошимчалик билан тарк этиб, Яқин Шарққа ташриф буюрган эди. Парижликлар футболчининг бу қилмишидан норози бўлиб, уни икки ҳафтага жамоадан четлатишди. Бироз вақт ўтгач, томонлар музокаралар олиб боришди ва махфий битим имзолашди. Шундан сўнг Лионелга машғулотларга қайтишга рухсат берилди.
Мессининг "ПСЖ" билан амалдаги шартномаси июнь ойи охирида тугайди.
