«Манчестер Юнайтед»нинг собиқ ҳужумчиси Карлос Тевес айни пайтда «қизил иблислар» шарафини ҳимоя қилаётган ҳамюрти Алехандро Гарначонинг савиясини юқори баҳолади.

«Гарначо «Манчестер Юнайтед»да ўйнаш учун етарли кучга эга. У дунёнинг энг йирик учта жамоасидан бирида ўйнаши мумкин.

Бу қаторга «Реал», «Манчестер Сити» ва «Манчестер Юнайтед»ни киритган бўлардим. Бундай жамоада ўйнаш учун ажойиб ўйинчи бўлиш керак», - дея Тевеснинг сўзларини келтиради Utd Plug.

Эслатиб ўтамиз, Тевес фаолияти давомида «Манчестер Юнайтед»да ҳам «Манчестер Сити»да ҳам ўйнашга муваффақ бўлган.

Аргентиналик футболчи иккала жамоа билан ҳам Премьер-лига чемпионлигини қўлга киритди.