«Manchester Yunayted»ning sobiq hujumchisi Karlos Teves ayni paytda «qizil iblislar» sharafini himoya qilayotgan hamyurti Alexandro Garnachoning saviyasini yuqori baholadi.
«Garnacho «Manchester Yunayted»da o‘ynash uchun yetarli kuchga ega. U dunyoning eng yirik uchta jamoasidan birida o‘ynashi mumkin.
Bu qatorga «Real», «Manchester Siti» va «Manchester Yunayted»ni kiritgan bo‘lardim. Bunday jamoada o‘ynash uchun ajoyib o‘yinchi bo‘lish kerak», - deya Tevesning so‘zlarini keltiradi Utd Plug.
Eslatib o‘tamiz, Teves faoliyati davomida «Manchester Yunayted»da ham «Manchester Siti»da ham o‘ynashga muvaffaq bo‘lgan.
Argentinalik futbolchi ikkala jamoa bilan ham Premyer-liga chempionligini qo‘lga kiritdi.
