Мадриднинг «Реал» клуби ҳимоячиси Ферлан Менди ёзги трансфер ойнасида «ПСЖ»га ўтиши мумкин.
El Nacional нашрига маълум бўлишича, парижликлар 27 ёшли франциялик футболчини сотиб олмоқчи.
Манбага кўра, «ПСЖ» аллақачон Менди учун «қаймоқранглилар»га 30 миллион евролик расмий таклиф жўнатган.
Бироқ таъкидланишича, «қаймоқранглилар» президенти Флорентино Перес Мендини 45 миллион евродан камига қўйиб юбориш ниятида эмас.
Жорий мавсумда ҳимоячи барча турнирларда 25 та ўйин ўтказиб, 1 та голли узатмани амалга оширди. Футболчининг «Реал» билан шартномаси 2025 йилгача мўлжалланган.
