Madridning «Real» klubi himoyachisi Ferlan Mendi yozgi transfer oynasida «PSJ»ga o‘tishi mumkin.

El Nacional nashriga ma’lum bo‘lishicha, parijliklar 27 yoshli fransiyalik futbolchini sotib olmoqchi.

Manbaga ko‘ra, «PSJ» allaqachon Mendi uchun «qaymoqranglilar»ga 30 million yevrolik rasmiy taklif jo‘natgan.

Biroq ta’kidlanishicha, «qaymoqranglilar» prezidenti Florentino Peres Mendini 45 million yevrodan kamiga qo‘yib yuborish niyatida emas.

Joriy mavsumda himoyachi barcha turnirlarda 25 ta o‘yin o‘tkazib, 1 ta golli uzatmani amalga oshirdi. Futbolchining «Real» bilan shartnomasi 2025 yilgacha mo‘ljallangan.