"Атлетико" Twitter саҳифасида дарвозабон Ян Облак ҳозирда икки томонлама физиотерапия ва фунционал даволаниш сеансларидан ўтаётганини ёзди.

Хабарда қайд этилганидек, соғлиғидаги муаммолар дарвозабонга сўнгги ўйинларда ўзини 100 фоиз кўрсатишга имкон бермади. Футболчининг тизимга қайтиш вақти шифокорлар симптомлар ривожланишини кузатишдан сўнг маълум бўлади.

30 ёшли словениялик жорий мавсумда барча турнирларда 30 та ўйинда майдонга тушиб, 31 та гол ўтказиб юборган. Шунингдек, у 16 марта ўз дарвозаси дахлсизлигини сақлаб қолган.