«Лион»нинг собиқ президенти Жан-Мишель Оля клубдаги ўттиз олти йиллик фаолиятидан сўнг ўз лавозимини тарк этгани ва бу вақт мобайнида элликдан ортиқ соврин ютгани ҳақида хабар берган эдик.
Оля катта имтиёзлар билан клубни тарк этди - биринчи навбатда, у клубга содиқ хизмати учун ўн миллион евро мукофот олди.
Яна ўн беш миллион унга клуб акцияларининг бир қисмини сотиши орқали келади - бунга аллақачон харидор бор.
Қолаверса, «Лион» стадионида Олянинг ўзига хос супер-ВИП жойи, ўйинларни кўриш учун алоҳида кабинети, клуб ҳисобидан автомашинаси бўлади, стадиондаги ҳар қандай хизматлар у учун бепул бўлади.
