Ҳамюртимиз Хожимат Эркинов ўйнаётган "Торпедо" жамоаси РПЛни тарк этди.
Пеп Клотет бошчилигидаги жамоа Россия чемпионатининг 27-турида ЦСКАдан мағлуб бўлди (0:3).
"Торпедо" РПЛдаги ўрнини сақлаб қолиш имкониятидан маҳрум бўлди. Жамоа 27 учрашувдан сўнг 13 очко билан 16-ўринда бормоқда. Чемпионат тугашига уч тур қолганда “Автозаводчилар” плей-офф зонасидан 10 очкога ортда қолмоқда.
"Торпедо" ўтган мавсум охирида РПЛга чиққанди. Бунгача клуб 2015 йилдан бери Россия олий лигасида ўйнамаган эди.
"Оқ-қоралар" келаси мавсум Биринчи лигада ўйнайди.
Ҳожимат Эркинов жорий мавсум 18 та ўйинда майдонга тушиб, битта голли узатмани амалга оширди.
