"ПСЖ" ҳужумчиси Килиан Мбаппе 60 йилдан ортиқ вақт ичида тўртинчи марта чемпионатда бир мавсумда камида 25 та гол урган биринчи футболчига айланди, дея хабар беради Goal. 13 май, шанба куни ҳужумчи Лига 1нинг 35-туридан ўрин олган “Аяччо” билан ўйинда (5:0) дубль қайд этди. Бу унга жорий чемпионатдаги голлари сонини 26 тага етказиш имконини берди. 2021/2022 йилги мавсумда Мбаппе Лига 1да 28 та, 2020/2021 йилги мавсумда 27 та, 2018/2019 йилги мавсумда эса 33 та гол урган.

Илгари фақат битта француз Таде Сизовски буни уддалаган эди. У 1955/1956, 1956/1957, 1958/1959, 1959/1960 йилги мавсумларда 25 ва ундан ортиқ гол урган.

Жорий мавсум якунига қадар "ПСЖ" Лига 1 доирасида "Осер", "Страсбург" ва "Клермон"га қарши яна учта ўйин ўтказади. Парижликлар Франция чемпионатида "Ланс"дан олти очко фарқи билан пешқадамлик қилмоқда.