"Айнтрахт Франкфурт" ярим ҳимоячиси Даичи Камада фаолиятини "Милан"да давом эттириши мумкин, дея хабар беради Calciomercato журналисти Даниэле Лонго.
Томонлар ёзда эркин агентга айланадиган 26 ёшли япониялик билан шартнома шартлари бўйича принципиал келишувга эришган. Агар келишув имзоланса, у йилига 3 миллион евро ишлаб олади.
"Наполи", "Боруссия Дортмунд", "Бенфика", "Ньюкасл" ва "Атлетико" ҳам футболчига даъвогарлик қилмоқда, аммо Камаданинг ўзи "Милан"га ўтмоқчи.
Футболчи жорий мавсумда 44 та ўйинда майдонга тушиб, 15 та гол ва 6 та голли узатмага муаллифлик қилган.
