"Ayntraxt Frankfurt" yarim himoyachisi Daichi Kamada faoliyatini "Milan"da davom ettirishi mumkin, deya xabar beradi Calciomercato jurnalisti Daniele Longo.
Tomonlar yozda erkin agentga aylanadigan 26 yoshli yaponiyalik bilan shartnoma shartlari bo‘yicha prinsipial kelishuvga erishgan. Agar kelishuv imzolansa, u yiliga 3 million yevro ishlab oladi.
"Napoli", "Borussiya Dortmund", "Benfika", "Nyukasl" va "Atletiko" ham futbolchiga da’vogarlik qilmoqda, ammo Kamadaning o‘zi "Milan"ga o‘tmoqchi.
Futbolchi joriy mavsumda 44 ta o‘yinda maydonga tushib, 15 ta gol va 6 ta golli uzatmaga mualliflik qilgan.
