"Манчестер Юнайтед" бош мураббийи Эрик тен Хаг Англия Премьер-лигасининг 36-туридан ўрин олган "Вулверхэмптон"га (2:0) қарши ўйинни ўтказиб юборган жароҳатланган ҳужумчи Маркус Рэшфорднинг аҳволи ҳақида гапирди.
“Айтишим мумкинки, у ҳали ҳам таркибда эмас. Демак, айни дамда бор эътиборимизни тайёр футболчиларга қаратишимиз керак.
У қанча вақтга сафдан чиққан? Мен ҳозир жавоб беришга тайёр эмасман ва айтганимдек, ҳозир бу менинг асосий ташвишим эмас.
Умид қиламанки, у тез орада қайтади. Ва у бунинг учун зарур бўлган ҳамма нарсани қилади. Тиббиёт ходимлари ҳам бу борада астойдил ишламоқда”, - дея тен Хагдан иқтибос келтиради BBC Sport.
"Манчестер Юнайтед"нинг жорий мавсумда АПЛда 3 та ўйини қолди. Жамоа Англия кубоги финалида “Манчестер Сити” билан ҳам тўқнаш келади.
