Англия Премьер-лигасининг 36-тури доирасидаги “Эвертон”ни мағлуб этган (3:0) “Манчестер Сити” Англия олий дивизионидаги ғалабали сериясини 11 ўйинга етказди.
Шон Дайч жамоаси устидан қозонилган ғалаба “шаҳарликлар”нинг Англия Премьер-лигасидаги кетма-кет 11-ғалабаси бўлди. Қолаверса, барча мусобақаларни инобатга оладиган бўлсак, "Манчестер Сити" 22 учрашувда мағлубиятга учрамаган.
Пеп Гвардиола шогирдлари охирги марта февраль ойи бошида АПЛнинг 22-тури доирасидаги ўйинда сафарда “Тоттенхэм”дан мағлуб бўлганди (0:1). Февралдан майгача бўлган даврда "Ман Сити" 18 учрашувда ғалаба қозонган ва яна тўртта учрашувда дуранг қайд этган.
“Шаҳарликлар” навбатдаги ўйинини Манчестердаги “Этиҳад” стадионида Чемпионлар лигаси ярим финалида “Реал”га қарши ўтказади. Бу жамоалар ўртасидаги биринчи ўйин 1:1 ҳисобида дуранг билан якунланган эди.
