Жоан Лапорта Хавининг "Барселона" чемпионлигига қўшган ҳиссасини юқори баҳолади.
"Хави жамоа сифатли футбол ўйнаши учун кўп меҳнат қилди. У табриклашга арзийди. Бизда ажойиб мураббий, ажойиб таркиб бор. Ишларимиз кўнгилдагидек давом этаётганидан жуда хурсандмиз.
Мен ҳар доим биз тўғри йўлдамиз деб ўйлаганман, лекин мен чемпионликни ҳеч қачон ўз-ўзидан келади деб ўйламаганман, чунки кутилмаган ҳодисалар ҳар доим бўлиши мумкин. Биз имкон қадар тезроқ чемпионликни қўлга киритмоқчи эдик. "Эспаньол"га қарши яхши ўйин ўтказдик ва кубокни қўлга киритдик", — деди "Барселона" президенти.
