Ҳозирда “қизил иблислар” таркибида тўп сураётган Робин ван Перси ўтган мавсумда “Арсенал” таркибида 37 та гол уришга муваффақ бўлганди. Футболчининг янги жамоаси устози Сер Алекс Фергюсон ҳам ушбу мавсумда ван Персидан кўп нарса кутаётганлигини таъкидлади.

“Мен Робин ван Персининг ўтган мавсумдаги рекордини янгилашини хоҳлардим. Тажрибамдан келиб чиқадиган бўлсам, биз ҳозир бутун мавсум давомида 20 тадан кўп гол ура оладиган ҳужумчига муҳтожмиз. Агар шундай қила олсак, бизда чемпионлик учун яхши имконият бўларди”.

“Менга янгилик бўлган нарса шуки, ҳозирда Робин қўшимча машғулот ўтказяпти, чунки у кўпгина мавсумолди ўйинларида бўлмаганди. Ўтган етти ўйинда 7 та гол ургани таҳсинга сазовор. Мен ундан хурсандман, ўйлайманки, у янада кўп гол ура олади ва жисмоний ҳолати ҳам янада яхшиланади”, - дея шотландиялик мутахассис клубнинг расмий сайтига интервью берди.