"Барселона" ярим ҳимоячиси Френки де Йонг жамоасининг Испания чемпионатидаги ғалабасидан сўнг ўз ҳис-туйғулари билан ўртоқлашди.

Эслатиб ўтамиз, дербида "Эспаньол"ни мағлуб этган каталонияликлар 2019 йилдан бери илк бор Ла Лига чемпионлигини кафолатлади.

"Жуда хурсандман, биз бу чемпионликка ҳақли эдик. Мавсум давомида биз барқарор эдик ва жуда яхши ҳаракат қилдик. Афсуски, Европа ареналарида яхши ўйин кўрсата олмадик, аммо Суперкубок ва Испания чемпионатида ғалаба қозондик. Умуман олганда, жорий мавсумни яхши деб ҳисоблаш мумкин”, - деди де Йонг ўйиндан кейинги интервьюсида.

Эслатиб ўтамиз, ўтган ёз Де Йонг "Барселона"ни тарк этиши мумкин эди. Футболчига "Челси" ва "Манчестер Юнайтед" клублари қизиқаётган эди.