Суперлига 10-турида ўз майдонида «Насаф»га мағлуб бўлган «Металлург» клуби бош мураббийи Веско Стешевич мағлубият сабаблари, тактика, Тошқўзиевнинг позицияси ва Ибрагимовнинг жароҳати ўйинга қандай таъсир қилгани ҳақида гапирди.

“Йигитларга бугунги ўйин ва курашганликлари учун раҳмат айтаман. Ўйинни яхши бошлаган эдик, гол урдик, вазиятлар яратдик, аммо якунда аламли мағлубиятга учрадик. «Насаф» сифатли жамоа. Пенальтидан ўтказиб юборилган гол бизни бироз синдирди. Охирги дақиқаларда яна гол ўтказиб мағлуб бўлдик. Аламли мағлубият”, - деди Стешевич.

«Ёзги трансферлар вақтида жамоамиз қандай ишлашини вақт кўрсатади. Бу билан клубдагилар алоҳида ишлашади».

«Тошқўзиевни ҳужум марказига ўтказганимизнинг сабаби, у рақиб ҳимоячиларини прессингда ушлаб, уларнинг зонасига босим қилишини режа қилгандик. У буни деярли уддалади, афсуски, бироз чарчаб қолди».

«Ҳисобда олдинда борган вақтимизда рақиб ҳужумларини тўхтатиш ва гол ўтказиб юбормаслик учун интилдик. Аммо, буни уддалай олмадик. Ибрагимовни жароҳати боис алмаштирдим».