"Челси" германиялик мутахассис Томас Тухелни истеъфога юбориш қароридан афсусда.

Daily Mail хабарига кўра, клубнинг янги хўжайинлари Тухель билан ҳамкорликни давом эттиришни истамаган, аммо айни дамда "Челси" уни бекорга ишдан бўшатишганини тушуниб турибди. Лондон клуби Тухелни мавсум охиригача қолдириши ва шундан кейингина унинг ўрнига ўринбосар излаши керак эди, деб ҳисобламоқда.

Тухель кетганидан кейин Грэм Поттер "Челси"ни бошқарган. У жамоа билан етти ой ишлади ва ишдан бўшатилди. “Кўклар”ни 2022/23 йилги мавсум охиригача Фрэнк Лэмпард бошқаради.

Англия Премьер-лигасининг 36-тур учрашувлари натижаларига кўра, "Челси" 40 очко билан турнир жадвалининг 11-поғонасида жойлашган.