"Chelsi" germaniyalik mutaxassis Tomas Tuxelni iste’foga yuborish qaroridan afsusda.
Daily Mail xabariga ko‘ra, klubning yangi xo‘jayinlari Tuxel bilan hamkorlikni davom ettirishni istamagan, ammo ayni damda "Chelsi" uni bekorga ishdan bo‘shatishganini tushunib turibdi. London klubi Tuxelni mavsum oxirigacha qoldirishi va shundan keyingina uning o‘rniga o‘rinbosar izlashi kerak edi, deb hisoblamoqda.
Tuxel ketganidan keyin Grem Potter "Chelsi"ni boshqargan. U jamoa bilan yetti oy ishladi va ishdan bo‘shatildi. “Ko‘klar”ni 2022/23 yilgi mavsum oxirigacha Frenk Lempard boshqaradi.
Angliya Premyer-ligasining 36-tur uchrashuvlari natijalariga ko‘ra, "Chelsi" 40 ochko bilan turnir jadvalining 11-pog‘onasida joylashgan.