"Челси" ярим ҳимоячиси Мэйсон Маунт футбол майдонида машғулотларга қайтди, деб хабар беради "кўклар" матбуот хизмати. Футболчи жарроҳлик амалиётидан сўнг яна тикланди - шифокорлар апрель охирида уни операция қилишган эди.
Эслатиб ўтамиз, 24 ёшли Маунт жорий мавсумда "Челси" сафида барча мусобақаларда 34 марта майдонга тушган. У учта гол ва тўртта голли узатмани амалга оширди.