"Челси"нинг янги бош мураббийи Маурисио Почеттино "Вест Хэм" ярим ҳимоячиси Деклан Райсга қизиқиш билдирмоқда, дея хабар беради 90min.
Манбага кўра, Почеттино билан шартнома бўйича музокаралар чоғида лондонликлар жамоаси бошлиқлари билан Райснинг трансферини ҳам гаплашган. Мураббий "Вест Хэм" футболчисини жамоасида кўришдан хурсанд бўлишини айтди.
Хабар қилинишича, "Челси" ёзда янги марказий ярим ҳимоячи сотиб олишни режалаштирмоқда. Шу билан бирга, Матео Ковачич, Рубен Лофтус-Чик ва Конор Галлахернинг келажаги борасида ҳам шубҳалар бор.
"Вест Хэм" ўз ярим ҳимоячиси билан хайрлашишга тайёр, аммо улар 24 ёшли футболчини сотишдан камида 115 миллион евро олишни истамоқда.
Райс жорий мавсумда "болғачилар" сафида барча турнирлар доирасида 46 та ўйинда майдонга тушиб, 4 та гол ва 2 та голли узатмага муаллифлик қилган.
