"Chelsi"ning yangi bosh murabbiyi Maurisio Pochettino "Vest Xem" yarim himoyachisi Deklan Raysga qiziqish bildirmoqda, deya xabar beradi 90min.
Manbaga ko‘ra, Pochettino bilan shartnoma bo‘yicha muzokaralar chog‘ida londonliklar jamoasi boshliqlari bilan Raysning transferini ham gaplashgan. Murabbiy "Vest Xem" futbolchisini jamoasida ko‘rishdan xursand bo‘lishini aytdi.
Xabar qilinishicha, "Chelsi" yozda yangi markaziy yarim himoyachi sotib olishni rejalashtirmoqda. Shu bilan birga, Mateo Kovachich, Ruben Loftus-CHik va Konor Gallaxerning kelajagi borasida ham shubhalar bor.
"Vest Xem" o‘z yarim himoyachisi bilan xayrlashishga tayyor, ammo ular 24 yoshli futbolchini sotishdan kamida 115 million yevro olishni istamoqda.
Rays joriy mavsumda "bolg‘achilar" safida barcha turnirlar doirasida 46 ta o‘yinda maydonga tushib, 4 ta gol va 2 ta golli uzatmaga mualliflik qilgan.