"Реал"нинг собиқ ҳужумчиси Роналдо Ла Лигада ҳакамларнинг "Вальядолид"га бўлаётган муносабатларидан норози.
"Хосе Соррилья"да содир бўлган воқеани қабул қилиб бўлмайди!
Биз шу пайтгача индамай, норозилигимизни расмий воситалар, йиғилишлар, петициялар орқали билдиришга, оммавий намойишдан қочмаймиз. Етар, бас! Бу профессионал футбол ва биз тушунтиришни талаб қиламиз. Бундай катталикдаги хатолар бутун мавсумнинг боришини ўзгартириши мумкин.
Аммо бир нарсани аниқ айтайлик: биз ҳар доим курашамиз, чунки биз "Вальядолид"миз. Жамоамиз, мухлисларимиз ва шаҳримиз ҳамма нарсани беради ва ҳеч ким биздан ҳеч нарсани тортиб олмайди", — деб ёзди Роналдо ўзининг "Твиттер"даги саҳифасида.
Эслатиб ўтамиз, Ла Лиганинг 34-тури доирасида "Вальядолид" ўз майдонида "Севилья"дан мағлуб бўлганди (0:3). Биринчи бўлим 0:0 ҳисоби билан якунланганида, “Вальядолид” ҳимоячиси Серхио Эскудеро жарима майдони ташқарисидан гол урган вақтда учрашувнинг бош ҳаками Мигель Анхел Ортис Ариас танаффусга ҳуштаги чалди. Натижада гол ҳисобланмади.
Чемпионат якунланишига 4 тур қолганида “Вальядолид” турнир жадвалида 17-ўринда бормоқда ва қуйи лигага чиқиш зонасидан бир очко олдинди.
