"Real"ning sobiq hujumchisi Ronaldo La Ligada hakamlarning "Valyadolid"ga bo‘layotgan munosabatlaridan norozi.
"Xose Sorrilya"da sodir bo‘lgan voqeani qabul qilib bo‘lmaydi!
Biz shu paytgacha indamay, noroziligimizni rasmiy vositalar, yig‘ilishlar, petisiyalar orqali bildirishga, ommaviy namoyishdan qochaymiz. Yetar, bas! Bu professional futbol va biz tushuntirishni talab qilamiz. Bunday kattalikdagi xatolar butun mavsumning borishini o‘zgartirishi mumkin.
Ammo bir narsani aniq aytaylik: biz har doim kurashamiz, chunki biz "Valyadolid"miz. Jamoamiz, muxlislarimiz va shahrimiz hamma narsani beradi va hech kim bizdan hech narsani tortib olmaydi", — deb yozdi Ronaldo o‘zining "Tvitter"dagi sahifasida.
Eslatib o‘tamiz, La Liganing 34-turi doirasida "Valyadolid" o‘z maydonida "Sevilya"dan mag‘lub bo‘lgandi (0:3). Birinchi bo‘lim 0:0 hisobi bilan yakunlanganida, “Valyadolid” himoyachisi Serxio Eskudero jarima maydoni tashqarisidan gol urgan vaqtda uchrashuvning bosh hakami Migel Anxel Ortis Arias tanaffusga hushtagi chaldi. Natijada gol hisoblanmadi.
Chempionat yakunlanishiga 4 tur qolganida “Valyadolid” turnir jadvalida 17-o‘rinda bormoqda va quyi ligaga chiqish zonasidan bir ochko oldindi.
