«Торино» матбуот хизмати россиялик ярим ҳимоячи Алексей Миранчук қачон жамоага қайтиши мумкинлиги ҳақидаги саволга жавоб берди.
«Миранчукнинг якшанба куни сафга қайтишига умид бор», - дея Турин клуби вакилларининг сўзларидан иқтибос келтиради Спорт-Экспресс.
Эслатиб ўтамиз, Алексейнинг бармоғи синган. Ушбу жароҳат туфайли ярим ҳимоячи Италия чемпионатининг 35-туридан ўрин олган «Верона»га қарши ўйинда иштирок этмади.
27 ёшли ярим ҳимоячи жорий мавсумда 26 та ўйинда майдонга тушиб, 4 та гол урди ва 5 та голли узатмага муаллифлик қилган.
