Эдуардо Камавинга "Хетафе"га қарши Ла Лигадаги сўнгги ўйинида тиззасидан жароҳат олганди. Бироқ, футболчи чоршанба оқшомида "Манчестер Сити"га қарши Чемпионлар лигасида ўйнашга тайёр. Бу ҳақда ярим ҳимоячи Лука Модрич айтиб ўтди.

"У яхши, у ўйнайди, бу энг муҳими. Ўтиш давридан бери Камавинга жуда яхши ўсди. У чап қанот ҳимоячиси сифатида яхши ўйнай олишини исботлади. У ерда ўйнашни ёқтирмайди, лекин у яхши ҳаракат қилмоқда. Умид қиламанки, эртага у қандай позицияни эгаллашидан қатъий назар муваффақиятга эришади", - деди Модрич матбуот анжуманида.

"Манчестер Сити" - "Реал" учрашуви 17 май куни Тошкент вақти билан соат 23:59да бошланади.