"Манчестер Сити" ярим ҳимоячиси Бернарду Силва яна бир бор "Олтин тўп" учун асосий даъвогарлар ҳақида гапирди.
Чоршанба куни "шаҳарликлар" Чемпионлар лигасининг жавоб ярим финал учрашуви доирасида "қаймоқранглилар"ни ўз майдонида қабул қилади.
Португалияликнинг фикрича, нуфузли индивидуал соврин тақдири қарама-қаршилик натижасига боғлиқ бўлиши мумкин:
"Агар "Манчестер Сити" АПЛ ва Чемпионлар лигасида ғолиб чиқса, Холанд "Олтин тўп" учун жиддий даъвогарга айланади. Агар "Реал" Чемпионлар лигасида ғолиб чиқса, Винисиус ҳақида ҳам шундай дейиш мумкин", - дея Силванинг сўзларини келтиради FootballTalk.
Айни дамда Эрлинг Холанд 12 та гол билан энг нуфузли еврокубок тўпурарлари рўйхатини бошқармоқда. Винисиус 7 гол билан учинчи ўринда.
