“Интер” ва Аргентина терма жамоаси ҳужумчиси Лаутаро Мартинес футбол тарихида бир мавсумда ҳам Чемпионлар лигаси, ҳам жаҳон чемпионати финалида ўйнаган 10-футболчи бўлиши мумкин, деб хабар беради B/R Football.
16 май куни “нерадзуррилар” Чемпионлар лигаси ярим финалида “Милан”га қарши жавоб ўйинида (1:0) ўз майдонида ғалаба қозонди. Ўйиндаги ягона гол 74-дақиқада Мартинес томонидан киритилди. Биринчи ўйин ҳам “Интер”нинг 2:0 ҳисобидаги ғалабаси билан якунланган эди.
Турнир финалида Милан клуби "Манчестер Сити" - "Реал Мадрид" жуфтлиги ғолиби билан учрашади. Мадриддаги биринчи ўйин 1:1 ҳисобидаги дуранг билан якунланган эди. Жавоб ўйини Манчестердаги "Этиҳад" стадионида 17 май куни бўлиб ўтади. Бошланиши Тошкент вақти билан 23:59 да.
2022 йилнинг декабрида Мартинес Аргентина терма жамоаси билан жаҳон чемпионлигини қўлга киритди.
Бунгача фақат Зепп Майер, Пауль Брейтнер, Ханс-Георг Шварценбек, Франц Беккенбауэр, Герд Мюллер, Ули Хёнесс (Бавария ва Ғарбий Германия – 1974), Кристиан Карамбё (“Реал Мадрид” ва Франция — 1998), Роберто Карлос ("Реал" ва Бразилия — 2002), Рафаэль Варан ("Реал" ва Франция — 2018) бу ишни уддалаган.