“Inter” va Argentina terma jamoasi hujumchisi Lautaro Martines futbol tarixida bir mavsumda ham Chempionlar ligasi, ham jahon chempionati finalida o‘ynagan 10-futbolchi bo‘lishi mumkin, deb xabar beradi B/R Football.
16 may kuni “neradzurrilar” Chempionlar ligasi yarim finalida “Milan”ga qarshi javob o‘yinida (1:0) o‘z maydonida g‘alaba qozondi. O‘yindagi yagona gol 74-daqiqada Martines tomonidan kiritildi. Birinchi o‘yin ham “Inter”ning 2:0 hisobidagi g‘alabasi bilan yakunlangan edi.
Turnir finalida Milan klubi "Manchester Siti" - "Real Madrid" juftligi g‘olibi bilan uchrashadi. Madriddagi birinchi o‘yin 1:1 hisobidagi durang bilan yakunlangan edi. Javob o‘yini Manchesterdagi "Etihad" stadionida 17 may kuni bo‘lib o‘tadi. Boshlanishi Toshkent vaqti bilan 23:59 da.
2022 yilning dekabrida Martines Argentina terma jamoasi bilan jahon chempionligini qo‘lga kiritdi.
Bungacha faqat Zepp Mayer, Paul Breytner, Xans-Georg Shvarsenbek, Frans Bekkenbauer, Gerd Myuller, Uli Xyoness (Bavariya va G‘arbiy Germaniya – 1974), Kristian Karambyo (“Real Madrid” va Fransiya — 1998), Roberto Karlos ("Real" va Braziliya — 2002), Rafael Varan ("Real" va Fransiya — 2018) bu ishni uddalagan.
