"Барселона" ҳимоячиси Жорди Альба президент Жоан Лапорта билан кечаги учрашувда маошини қисқартириш масаласини муҳокама қилмади. Бу ҳақда журналист Фабрицио Романо ижтимоий тармоқларда маълум қилди.
Манбага кўра, Альба ва Лапорта сешанба куни бошқа масалаларни муҳокама қилишган ва маошларни қисқартириш мавзусига ўтишмаган. Эслатиб ўтамиз, Жордининг "Барселона" билан шартномаси тугашига бир йил қолди, бироқ айни пайтда Серхио Бускетс кетганидан сўнг футболчи жамоада энг кўп маош олувчи 3 таликка киради.
"Барселона" Альбанинг маошини 60 фоизга қисқартирмоқчи.
