«Реал Мадрид»нинг уч нафар фахрийси кейинги мавсумда жамоада қоладиган бўлди.

Журналист Марио Кортехана хабарига кўра, ярим ҳимоячилар Тони Кроос, Лука Модрич ва ҳужумчи Карим Бензема аллақачон шартномаларини узайтиришган, бироқ бу хабар ҳали расман тасдиқланмаган.

Манбанинг қўшимча қилишича, «Реал Мадрид» ҳозирда жамоани сифат жиҳатидан кучайтиришга ҳаракат қилмоқда, «Манчестер Сити»дан 0:4 ҳисобидаги ҳалокатли мағлубият ҳолатлари энди содир бўлмаслиги керак.

Эслатиб ўтамиз, Кроос, Модрич ва Бензема ўз фаолияти давомида 5 мартадан Чемпионлар лигасида ғолиб чиқишган.

Катта эҳтимол билан келаси мавсум бу футболчилар учун «Реал Мадрид» таркибидаги охиргиси бўлади.