"Реал"га қарши Чемпионлар лигаси жавоб учрашувида "Манчестер Сити" ярим ҳимоячиси Кевин де Брюйне ҳиссиётларга берилиб кетди. Хосеп Гвардиоланинг норозилигига жавобан футболчи мураббийдан жим туришни сўради. Испаниялик мутахассис ўша эпизодга изоҳ берди.
"Ҳисоб 2:0 бўлганида, биз ҳаддан ташқари шошиб қолгандик. Танаффусдан сўнг дарҳол Гюндоган тўпни йўқотди ва Кевин керак бўлмаган учта узатмани амалга оширди. Биз шошиб қолдик, аммо бунинг тескарисини қилишимиз, ўйинни ўзгартиришимиз, тўпни ушлаб туришимиз керак эди. Лекин ҳаммаси жойида”, - деди Гвардиола.
Эслатиб ўтамиз, "Манчестер Сити" "Реал"ни 4:0 ҳисобида мағлуб этди. Гвардиола жамоаси Чемпионлар лигаси финалида “Интер”га қарши майдонга тушади.
