"Real"ga qarshi Chempionlar ligasi javob uchrashuvida "Manchester Siti" yarim himoyachisi Kevin de Bryuyne hissiyotlarga berilib ketdi. Xosep Gvardiolaning noroziligiga javoban futbolchi murabbiydan jim turishni so‘radi. Ispaniyalik mutaxassis o‘sha epizodga izoh berdi.
"Hisob 2:0 bo‘lganida, biz haddan tashqari shoshib qolgandik. Tanaffusdan so‘ng darhol Gyundogan to‘pni yo‘qotdi va Kevin kerak bo‘lmagan uchta uzatmani amalga oshirdi. Biz shoshib qoldik, ammo buning teskarisini qilishimiz, o‘yinni o‘zgartirishimiz, to‘pni ushlab turishimiz kerak edi. Lekin hammasi joyida”, - dedi Gvardiola.
Eslatib o‘tamiz, "Manchester Siti" "Real"ni 4:0 hisobida mag‘lub etdi. Gvardiola jamoasi Chempionlar ligasi finalida “Inter”ga qarshi maydonga tushadi.