Каталониянинг «Барселона» клуби бош мураббийи Хави Эрнандеснинг яқинлашиб келаётган трансферлар ойнасидаги режалари маълум бўлди.
Mundo Deportivo журналистлари хабарига кўра, мутахассис раҳбариятдан 6 нафар янги футболчини рўйхатдан ўтказишни истамоқда, шу билан бирга, эҳтимолий янги футболчилар номи ҳали ошкор этилмаган.
Манбанинг қайд этишича, «кўк-анорранглилар» трансферлар устида иш бошлаш учун Ла Лиганинг розилигини кутмоқда.
Шу билан бирга, «Барселона» ўз сафига қўшиб олувчиларга жой бўшатиш мақсадида бир қатор футболчилари билан хайрлашади.
Мавсум тугашига 4 тур қолганида каталонияликлар муддатидан аввал Испания чемпионига айланишди. Кейинги ўйинда Хави шогирдлари «Реал Сосьедад»га қарши майдонга тушади.
