"ПСЖ" бош мураббийи Кристоф Галтье ҳимоячи Маркиньос билан шартнома узайтирилгани ҳақида фикр билдирди.
Янги келишув 2028 йилгача мўлжалланган. Бразилиялик футболчи 2013 йилдан буён "ПСЖ"да ўйнаб келмоқда.
“Бу ажойиб янгилик. Маркиньос бу ерда ўнинчи мавсумини ўтказмоқда", - дея клуб матбуот хизмати Галтьенинг сўзларидан иқтибос келтиради. - У "ПСЖ"га жуда қаттиқ боғланган ва бу мен, клуб ва мухлислар учун яхши янгилик. У ўз позициясида дунёдаги энг яхшиларидан бири. У "ПСЖ" совринлар учун курашда рақобатбардошлигини кўрсатмоқда".
29 ёшли футболчи жорий мавсум парижликлар сафида 42 та ўйинда майдонга тушиб, 2 та гол ва 1 та голли узатмани амалга оширди.
