"Бавария" ярим ҳимоячиси Жошуа Киммих Англия топ-клуби нишонига айланди. Marca нашри хабар беришича, немис учун курашга “Барселона” ва “Реал Мадрид”дан ташқари “Ливерпуль” ҳам қўшилган.
Эслатиб ўтамиз, аввалроқ Киммих янги чақирувни қабул қилиб, келаси ёзда ўзини бошқа чемпионатда синаб кўришга қарши эмаслиги хабар қилинганди. Футболчининг "Бавария" билан шартномаси 2025 йилгача тузилган ва мюнхенликлар уни сотиш ниятида эмас.
Киммих "Барселона"нинг Серхио Бускетс ўрнига асосий номзод сифатида кўрилмоқда. Ярим ҳимоячига “Реал” ва “Ливерпуль” унчалик кучли қизиқиш билдирмаяпти.
