"Манчестер Юнайтед" ёзда янги ярим ҳимоячи сотиб олмоқчи. Журналист Фабрицио Романо хабарига кўра, раҳбарият "Бавария"дан ижарага олинган ярим ҳимоячи Марсель Забитцерни сотиб оладими ёки йўқми, барибир жамоага янги ярим ҳимоячи келади.
"Манчестер Юнайтед"нинг қисқа рўйхатида ҳозирча аниқ номлар эълон қилинмаган. Бош мураббий Эрик тен Хаг ўз ихтиёрида узунроқ захира ўриндиғига эга бўлишни истамоқда, шу боис нидерландиялик мутахассис янги ярим ҳимоячини трансфер қилиш орқали клубдаги рақобатни кучайтирмоқчи.
Қайд этилишича, "Манчестер Юнайтед"нинг яна бир устувор мақсади янги ҳужумчи сотиб олиш бўлади.
