"Ювентус" ҳужумчиси Душан Влахович ёзда "Челси"га ўтиши мумкин.
ESPN журналисти Жулиен Лоуренснинг маълум қилишича, Лондон клуби аллақачон "Ювентус"га 23 ёшли сербиялик ҳужумчининг трансфери бўйича расмий таклиф юборган.
Манбага кўра, "Челси" Влахович учун 80 миллион евро тўлашга тайёр. Аввалроқ футболчининг хизматларига "Бавария" ва "Атлетико" клублари ҳам қизиқиш билдираётгани хабар қилинганди.
Влахович жорий мавсумда барча мусобақаларда 41 та ўйинда майдонга тушиб, 14 та гол урди ва 4 та голга ассистентлик қилди. Футболчининг "Ювентус" билан амалдаги шартномаси 2026 йилнинг ёзига қадар тузилган.
